Running on Magic

Neste xogo de plataformas damos vida (nunca mellor dito) a un mago que corre. Máis concretamente, que corre, salta e aplasta xelatinas. E con esas tres sinxelas accións ten que fuxir da morte, que trata por todos os medios de convencelo para que vaia con ela.

Cun estilo píxel-art precioso e cunhas animacións moi coidadas, Running on Magic ofrece, en catro niveis de dificultade, un desafío para todo tipo de público. Trátase do último traballo de Gusarapo Games, tamén dispoñible en versión Demo ou gratuíta en Itch.io.