Sobre Xogalego
Que é Xogalego?
Xogalego é o catálogo de videoxogos en galego que nace para axudar a localizar os videoxogos saídos en lingua galega. Trátase de un catálogo aberto pensado para superar as dificultades que nos ofrecen as distintas tendas e plataformas dixitais de videoxogos á hora de intentar xogar no noso idioma.
Xogalego busca ademais tender pontes entre a sociedade xogadora galega e os estudios que crean ou traducen os videoxogos ao galego. Tamén recoñecer as traducións feitas por afeccionados de videoxogos dos anos 80, 90 e 2000.
Xogalego é unha iniciativa de Recuncho Gamer que chega coa axuda de Deputación da Coruña na súa convocatoria de Proxectos Singulares
Comunidade
Un punto de encontro para a comunidade gaming galega
Por que é necesario Xogalego?
Xogalego nace polas dificultades actuais para atopar xogos na nosa lingua en páxinas como Steam ou nas tendas de Sony, Nintendo ou Microsoft.
Buscamos que Xogalego funcione tamén como un punto no que poñer en valor os estudios e persoas que crean videoxogos en galego e presentarllelo a un público interesado por xogar en galego.
Quéresnos axudar? Envía un xogo aquí.
Catálogo
Centos de xogos ordenados e categorizados para a busca
Os nosos obxectivos
-
Centralizar
Reunir nun único lugar os videoxogos dispoñibles en galego para facilitar a súa descuberta. -
Promover
Dar visibilidade aos videoxogos que apostan pola nosa lingua. -
Preservar
Promover o uso de videoxogos en galego no ámbito educativo/familiar como elemento de normalización lingüística.
Máis ca un catálogo
Ademáis desta listaxe, Xogalego procurará expandirse con visitas a centros educativos e outras actividades relacionadas con achegar videoxogos en galego á sociedade galega ao mesmo tempo que ir derrubando prexuízos sobre este medio aínda presentes nalgúns espazos da sociedade.