A Fume de carozo

Se hai unha profesión de risco, esa é a hostalaría. E se non que llo conten ás protagonistas de A Fume de carozo. Unha aventura de Michiños Fofiños na que a propietaria dun restaurante e a súa moza teñen que sobrevivir non só á cota de autónomos, senón tamén a unha morea de pantasmas que habitan o local.

Cun estilo píxel-art cheo de cor, este xogo xunta o mellor dos shooter en dúas dimensións, cun xogo deses de cociñar e entregar pedidos. Cantas máis pantasmas elimines, máis ingredientes para os teus pratos (non sabemos qué dirá sanidade disto). Como extra trae unhas cantas receitas para que repliques na túa casa, xa sen interrupcións paranormais.